குழந்தைகளுக்கு வேதியியல் ஆய்வுக்கூடம்

இந்த லாக்டௌன் சமயத்தில் பலபேர் தங்களது குழந்தைகள் ஆர்வத்தோடு ஏதாவது கற்றுக்கொள்ள வேண்டுமென்று விரும்புகிறார்கள். தற்போதுள்ள குழந்தைகள் புத்தகம் கொடுத்தால் படிப்பதில்லை. மற்றும் கல்வி சம்பந்தமான வகுப்புகளை ஆன்லைனில் கற்றுக் கொள்வதற்கும் சுணக்கம் காட்டுகின்றனர் என்று பெற்றோர்கள் தெரிவித்து வருகின்றார்கள். 

மேலும் குழந்தைகள் மொபைல் போனில் விளையாட்டுகள் விளையாடி வருகிறார்கள் என்றும் தெரிவித்துள்ளனர். ஆகையால் அவர்கள் பயன்படுத்தும் மொபைல் போன்களை பயன்படுத்தி எவ்வாறு இயற்பியல் ஆய்வுகளை கற்றுக் கொள்ள தூண்டுவது என்று நமது கடந்த பதிவில் பார்த்திருந்தோம் .

தற்போது நாம் குழந்தைகளை வேதியியல் புரிதலை ஊக்குவிப்பது எவ்வாறு என்பது குறித்து ஒரு செயலியைக் கான உள்ளோம். பீக்கர் என்று பெயரிடப்பட்டுள்ள இந்த செயலி ஆன்லைனில் இலவசமாக கிடைக்கிறது.

இந்த பீக்கர் செயலியைப் பதிந்து கொள்வதன் மூலம் பல்வேறு தனிமங்களை பற்றி புரிந்துகொள்ள முடியும். இவற்றில் வேதியியல் தனிமங்கள், அமிலங்கள் மற்றும் வாயுக்கள் ஆகியவையும் இந்த கரைசலை வினையாக்குவதற்கான  கருவிகளும் உள்ளன. உதாரணமாக ஒரு குழந்தை கந்தக அமிலத்தில் சோடியம் குளோரைடு  உப்பைப் போட்டால் என்னவாகும் என்று கேள்வி கேட்டால் உடனடியாக  அவர்களுக்குப் புரியவைக்க இந்த பீக்கர் செயலி பெரிதும் உதவும்.    

இந்த செயலியில் உள்ள கந்தக அமிலம் மற்றும் சோடியம் குளோரைடு உப்பு ஆகியவற்றை ஒன்றுசேர்த்து எவ்வாறாக வினைபுரியும் என்ற செயலைச் செய்து காட்டிவிடலாம். முற்றிலும் இலவசமாக வரக்கூடிய இந்த பீக்கர் செயலி குழந்தைகளுக்கு மிகவும் பயனுள்ளதாக இருக்கும். விளையாட்டுப் போக்கில் அவர்கள் வேதியியலை கற்றுக்கொள்ள முடியும்.


Sponsored content

குறைவான விலை நிறைந்த தரத்தில் நான்ஸ்டிக் தோசை தவா அமேசான் தளத்தில் கிடைக்கும் இணைப்பு இங்கே

Arnad Nonstick Aluminum Dosa Tawa, Black


மேலும் இந்த பீக்கர் செயலியைப் பயன்படுத்திய பிறகு அவர்களது வேதியியல் ஆர்வத்தை அதிகரித்துக்கொள்ளலாம். பீக்கர் செயலி  குறித்த இணைப்பு  இங்கே உள்ளது. கூகுள் ப்ளே ஸ்டோர் மூலம் இதைத் தரவிறக்கிப் பயன்படுத்திக் கொள்ளுங்கள்.

https://play.google.com/store/apps/details?id=air.thix.sciencesense.beaker

உங்கள் குழந்தைகளுக்கு உள்ளே இருக்கும் வேதியல் ஆர்வத்தை வெளிக்கொண்டு வாருங்கள்.

தொலைபேசியில் ஒரு ஆய்வுக்கூடம்

உங்கள் குழந்தைகள் நீண்ட நேரம் தொலைபேசி உபயோகித்து கொண்டிருக்கிறார்களா? உங்கள் குழந்தைகள் தொலைபேசியிலேயே உபயோகமாகக் கற்க வேண்டும் என்று ஆசைப்படுகிறீர்களா? அவர்களுக்கான பாடத்தை எங்கு ஆரம்பிப்பது என்று தெரியாமல் இருக்கிறீர்களா? உங்களுக்காகவே வந்துவிட்டது கூகுள் நிறுவனத்தில் அறிவியல் ஆய்வு செயலி.

நமது போனில் பல்வேறு சென்சார்கள் உள்ளன. இந்த சென்சார்கள் வெளிப்புறத்தில் உள்ள ஒலி, ஒளி, போனின் அசைவுகள் மற்றும் மின்காந்த புலம் ஆகியவற்றை உணர்ந்து தொலைபேசியின் மைய கட்டளைப் பகுதிக்கு அனுப்புகின்றன. இந்த சென்சார்களை வைத்து சிறுசிறு ஆய்வுகளை செய்துவிடமுடியும் என்று தெரிவிக்கிறது கூகுள்.


கூகுள் ஏற்கனவே செவித்திறன் குறைபாடு உள்ளோருக்கு,  தொலைபேசியில் உள்ள ஒலிவாங்கியை பயன்படுத்தி எவ்வாறு அவர்களது வாழ்க்கையை சுலபமாக்க  ஒரு செயலியை உருவாக்கி உள்ளது என்பது நாம் அறிந்ததே.

குழந்தைகள் முதல் பெரியவர் வரை உங்கள் தொலைபேசியை ஒரு ஆய்வுக் கூடமாக மாற்றிப் பயன்படுத்த முடியும் என்றும் அடித்துச் சொல்கிறது கூகுள். ஆம் அந்த பிரத்தியோக செயலியின் பெயர் கூகுள் சயன்ஸ் ஜர்னல் என்பதாகும்.

அதன் முகப்பு தோற்றம் இவ்வாறு இருக்கும்.

இதில் நீங்கள் ஆய்வுக் குறிப்புகளை எழுதிக் கொள்ள முடியும். இதில் உள்ள சென்சார்கள் மூலம் பின் வரும் செயல்களைச் செய்ய முடியும். முதலாவதாக ஒளியின் அடர்த்தியைத் தெரிந்துகொள்ள முடியும்.

தொலைபேசியின் முகப்பு கேமராவிற்கு பக்கத்தில் உள்ள ஒளி உணர் சென்சாரின் மூலம் எவ்வளவு ஒளி ஒரு இடத்தில் விழுகிறது என்பதை தெரிந்துகொள்ள முடியும்.

ஒலியின் அளவு மற்றும் அடர்த்தியை புரிந்துகொள்ளமுடியும்.

தொலைபேசியின் ஒலிவாங்கி மூலம் இத்தகைய  ஆய்வு கட்டளைகளை  தொலைபேசியில் பெறமுடியும்.

உங்கள் தொலைபேசியில் நகர்வுகளை மூன்று வெவ்வேறு அச்சுகளில் புரிந்துகொள்ளமுடியும். 

உங்கள் தொலைபேசியில் உள்ள திசைகாட்டி மூலம் உங்கள் தொலைபேசியில் திசைகளை புரிந்துகொள்ளமுடியும்.  இவ்வாறான அளவீடுகள் உங்கள் தொலைபேசிக்குள்ளேயே அமைவதால் சிறு சிறு சோதனை ஆய்வுகளை உங்கள் தொலைபேசி வாயிலாகவே நீங்கள் செய்து விட முடியும் என்று புரிய வைக்கிறது கூகுள். உங்கள் குழந்தைகளுக்கு இந்த செயலியை நிறுவி போனை கொடுப்பதன் மூலம் அவர்கள் கற்றுக்கொள்ள ஆர்வப்படுவார்கள். புதிதாக ஆய்வுகள் செய்து கற்றுக்கொள்ள தூண்டப்படுவார்கள். அவர்களுக்குள் இருக்கும் விஞ்ஞானிகளை வெளியே கொண்டு வாருங்கள். அவர்கள் கையில் இருக்கும் தொலைபேசியை அவர்களின் கற்றுக்கொள்ளும் தளமாக மாற்றங்கள்.


விளம்பரங்கள்.

தாமிரத்தால் செய்யப்பட்ட குடிநீர் பணிகள் அமேசானில் விலை மலிவாகக் கிடைக்கும். இணைப்பு கீழே

mangalam Copper Water Pot



இந்த சயன்ஸ் ஜர்னல் செயலியைப் பயன்படுத்தி எவ்வாறு சிறுசிறு ஆய்வுகளை அமைக்கலாம் என்று கூகுள் பின்வரும் தளத்தின் மூலம் உதவி செய்கிறது.

https://sciencejournal.withgoogle.com/

இந்த செயலியைக் கீழுள்ள இணைப்பின் மூலம் ப்ளேஸ்டோரில் இருந்து பதிவிறக்கிக்கொள்ளலாம்.

https://play.google.com/store/apps/details?id=com.google.android.apps.forscience.whistlepunk

இனி 40 நிமிடங்களில் ஆன்லைன் வகுப்பை நிறுத்த வேண்டியதில்லை- புதிய செயலி அறிமுகம்

ஆன்லைனில் வகுப்பு எடுக்கக்கூடிய நண்பர்களுக்காக ஒரு நற்செய்தி. இனி ஆன்லைன் நிகழ்ச்சிகளை 40 நிமிட நேர எல்லைக்குள் நிறுத்தாமல் இலவச செயலியிலேயே நீண்டநேரம் நடத்தலாம்.

ஜூம் செயலியில் ஆன்லைன் வகுப்பு எடுக்கும் நண்பர்கள் சந்திக்கும் மிகப் பெரும் சிக்கல் அந்த வகுப்பை 40 நிமிடத்திற்கு முடிக்க வேண்டும் என்பதே. அதற்கு மேல் நேரம் அதிகரிக்க தனியாகப் பணம் கட்ட வேண்டும். அல்லது இணைப்பைத் துண்டித்துவிட்டு மீண்டும் இணைய வேண்டும். இந்த நிலையை மாற்றவே வந்துள்ளது புதிய செயலி.

ஆம், ஜூம் செயலியில் உள்ள கட்டுப்பாட்டு எல்லைகளை மாற்றும் வகையில் புரட்சிகரமாக வெளிவந்துள்ளது, ரிலையன்ஸ் ஜியோ நிறுவனத்தின் ஜியோ மீட் செயலி. இந்த ஜியோ மீட் செயலி கிட்டத்தட்ட ஜூம் செயலியை போலவே உள்ளது. ஜூம் செயலியைப் போலவே நூறு பேர் கொண்ட மீட்டிங்கை இதில் நடத்திட முடியும். எனினும் ஜூம் இன் அடிப்படை இலவச சேவையான 40 நிமிடம் மட்டுமே கொண்ட இலவச மீட்டிங் என்ற விதிமுறை ஜியோ மீட் செயலியில் இல்லை. அதற்கு மாறாக 100 பேர் கொண்ட மீட்டிங்கை 24 மணிநேரம் வரை இலவசமாக நடத்திக் கொள்ளலாம் என ஜியோ அறிவித்துள்ளது. இது சிறு அளவில் மீட்டிங் நடத்தும் அன்பர்களுக்கு ஏதுவாக இருக்கும். மேலும் ஜியோ மீட் செயலி முனைகளுக்கு இடையே குறியாக்கல் (end to end encryption) என்ற தொழில்நுட்பத்தின் அடிப்படையில் வருவதால் தகவல்கள் பாதுகாப்பாக இருக்கும் என தெரிவிக்கப்பட்டுள்ளது. இது இந்திய நிறுவனத்தின் செயலியாகும்.

இன்னொரு சிறப்பம்சமாக ஜியோ மீட் செயலியும், ஜூம் செயலியைப் போலவே முகப்பு அமைப்பைக் கொண்டுள்ளதால் புதிதாக இந்த செயலிக்குள் நுழைபவர்கள் ஜூம் செயலியைப் போலவே இதை எளிதாகப் பயன்படுத்திக் கொள்ளலாம்.

ஜியோ மீட் செயலியின் முகப்புத் தோற்றம்

இந்த செயலியை கீழ்க்காணும் இணைப்பில் தரவிறக்கிக் கொள்ளலாம்.

https://play.google.com/store/apps/details?id=com.jio.rilconferences

https://jiomeetpro.jio.com

விளம்பரங்கள்

தரமான தேக்கினால் ஆன இடியாப்ப உரல்கள் அமேசானில் பெறலாம்.

Teak Wood Idiyappam Maker