சந்திராயன் 2 விண்கலம் எடுத்துள்ள புவியின் படங்கள்

சந்திராயன் 2 விண்கலம் பூமியை சுற்றி வருகையில் நிலவை நோக்கிய பயணத்தில் புவியினை படம் எடுத்துள்ளது. அப்படங்கள் இஸ்ரோ விண்வெளி ஆய்வு நிலையத்தால் பகிரப்பட்டுள்ளது. அவை இங்கு இணைக்கப்பட்டுள்ளன. விகாரி வருடம் ஆடி மாதம் ௧௮-ஆம் தேதி இப்படங்கள் எடுக்கப்பட்டுள்ளன. (ஆகஸ்டு 18, 2019)

image credit : isro

Advertisements

செவ்வாயின் தரைப் பகுதியை ஆய்வு செய்தல்

செவ்வாயின் தரைப் பகுதியை நாசாவின் InSight ரோபோ ஆய்வு செய்து வருகிறது. அது அவ்வப்போது புகைப்படம் எடுத்து பூமிக்கு அனுப்பி வருகிறது. அந்த வகையில் செவ்வாயின் தரைப் பரப்பை சமீபத்தில் எடுத்த புகைப்படத்தை இங்கு காணலாம்.

credit: InSight – NASA

சந்திராயன்-2 விண்கலம் ஏவப்படுவது ஒத்திவைப்பு

தொழில்நுட்பக் கோளாறு காரணமாக சந்திராயன்-2 விண்கலம் ஏவப்படுவது தேதி குறிப்பிடப்படாமல் ஒத்திவைக்கப்பட்டுள்ளது. இதுகுறித்த செய்தி குறிப்பில் இந்திய விண்வெளி ஆய்வு மையம் தொழில்நுட்ப கோளாறு இறுதிக்கட்டத்தில் உணரப்பட்டதால் ஏவப்படுதல் தள்ளி வைக்கப்பட்டுள்ளது என்று குறிப்பிட்டுள்ளது.

ISRO (@isro) Tweeted:
A technical snag was observed in launch vehicle system at 1 hour before the launch. As a measure of abundant precaution, #Chandrayaan2 launch has been called off for today. Revised launch date will be announced later. https://twitter.com/isro/status/1150520298761936896?s=17

நிலவின் மீது மோதிய இஸ்ரேலிய விண்கலத்தின் தாக்கம் – படமாக

விளம்பி வருடம் பங்குனி மாதம் 28ஆம் தேதி (ஏப்ரல் மாதம் 2019 ஆம் ஆண்டு பதினோராம் நாள்) நிலவின் மேற்பகுதியில் தரையிறங்க முயற்சித்த இஸ்ரேலிய ரோபோ ஆய்வுக்கலம் இறுதிநேரத்தில் தனது கட்டுப்பாட்டை இழந்து நிலவின் மேற்பகுதியில் மோதி நொறுங்கியது. இந்த விண்கலம் நிலவின் மேல் பகுதியில் விழுந்ததை அமெரிக்க விண்வெளி ஆராய்ச்சி நிறுவனம்- நாசா தனது செயற்கைக் கோள் மூலம் படம் பிடித்துள்ளது. அவ்வாறு பெறப்பட்ட படங்கள் ஒப்பிட்டுக் காட்டப்பட்டுள்ளது. அதாவது 2016 ஆம் ஆண்டு இதே பகுதியில் எடுக்கப்பட்ட படத்தையும் சமீபத்தில் எடுக்கப்பட்ட படத்தையும் ஒப்பிடும்போது கிட்டத்தட்ட 10 மீட்டர் அளவிற்கு நிலவின் மேற்பரப்பில் இந்த விண்கலம் விழுந்ததற்கான தடங்கள் தெரிகின்றன. இதை இஸ்ரேலிய விண்வெளி ஆராய்ச்சி நிறுவனம் “வெற்றிகரமாக நிலவின் தரையில் எங்களது தடமானது பதித்து விட்டது” என்று தெரிவித்துள்ளது.

Image: © NASA/GSFC/Arizona State University

செவ்வாயின் தரைப் பகுதியை சுற்றி பார்ப்போமா

செவ்வாயின் மேற்பரப்பை நாசா அனுப்பிய ரோபோ ஆய்வுக்கலங்கள் ஆராய்ச்சி செய்து வருகின்றன. சமீபத்தில் கூட நாசா அனுப்பிய ஒரு ரோபோவானது செவ்வாயின் தரைப் பகுதியை ஊடுருவி ஆய்வு செய்து வருகிறது. செவ்வாயை ஆராய அனுப்பப்பட்ட ரோபோ விண்கலங்களில் ஒன்றான க்யூரியாசிட்டி ரோபோ செவ்வாயின் மேற்பரப்பை தனது சுழல் கேமராவினால் படம் பிடித்துள்ளது. இந்த படமானது வீடியோ வடிவில் இங்கு இணைக்கப்பட்டுள்ளது. படம் உதவி நாசா

Credit: NASA

ஆய்வாளன்

நடராஜன் ஸ்ரீதர்

வல்லமை இதழில் எமது கட்டுரை

நண்பர்களுக்கு வணக்கம். இம்முறையும் எமது கட்டுரை “கருந்துளைக்குப் பின்னால் ஒரு கண்ணாமூச்சி விளையாட்டு” என்ற தலைப்பில் வல்லமை இதழில் பதிப்பிக்கப்பட்டுள்ளது என்பதைப் பெருமகிழ்வுடன் தெரிவித்துக் கொள்கிறோம்.

இக்கட்டுரையில் கருந்துளையைச் சுற்றி ஒளியின் விளைவு எவ்வாறு இருக்கும் என்பதையும், மேலும் SageMath என்ற கணினி மென்பொருள் மூலம் பெறப்பட்ட கருந்துளையின் கணினி வரைபடத்தையும் விளக்கியுள்ளோம். இக்கட்டுரை சமீபத்தில் வெளியான கருந்துளையின் முதல் புகைப்படத்தையும் ஆய்வு செய்கிறது.

வாழ்க வளமுடன்

கட்டுரையின் இணைப்பு இங்கே

http://www.vallamai.com/?p=91572

ஆய்வாளன்

நடராஜன் ஸ்ரீதர்

இதோ வந்துவிட்டது உபுண்டு 19.10 குறித்த அறிவிப்பு

லினக்ஸ் இயங்கு தளங்களில் முக்கியமான பங்கினை வகிக்கும் உபுண்டுவில் 19.10ஆவது பதிப்பு வெளிவருவதற்கான கால அட்டவணையானது வெளியிடப்பட்டுள்ளது.

உபுண்டு 19.10 பதிப்பில் இதற்கு அடுத்ததாக வரவுள்ள நீண்ட கால ஆதரவு பதிப்பான 20.04 பதிப்பில் உள்ள வசதிகள் ஓரளவு காணப்படும் என்று எதிர்பார்க்கப்படுகிறது.

என்னென்ன வசதிகள் இந்த 19.10 பதிப்பில் எதிர்பார்க்கலாம்?

  • GNOME 3.34 இல் செயல் திறன் மேம்பாடு
  • பைத்தான் 3.7
  • OpenJDK 11
  • Golang 1.12
  • இவற்றுடன் கூடவே ஆன்ட்ராய்டு இயங்கு தளத்துடன் ஒருங்கமைப்பானது கிடைக்குமென எதிர்பார்க்கப்படுகிறது.

இந்தப் பதிப்பைக் கீழ்க்காணும் இணைப்பில் பெறலாம் .

http://cdimage.ubuntu.com/daily-live/current/

முக்கியப் பாதுகாப்புக் குறிப்பு :
இதைத் தங்களின் முக்கியமான கம்ப்யூட்டரில் பதிவிறக்கம் செய்து சோதிக்க வேண்டாம். காரணம் சோதனை நிலையிலேயே இந்த பதிப்பு இருக்கும்.

ஆய்வாளன்

நடராஜன் ஸ்ரீதர்